FSK nuk do të ketë helikopterë as vitin e ardhshëm

Autori:Avdyl Pajaziti

Qeveria e Kosovës ka miratuar buxhetin për 2016-ën, duke proklamuar se prioritet i saj do të jetë ndërtimi i forcave ushtarake.

17.5 milionë euro kjo qeveri ka ndarë për shpenzime kapitale, për ushtrinë e ardhshme të Kosovës, apo rreth 2 milionë me pak sesa është paraparë buxheti për paga dhe mëditje për FSK-në.

Kjo forcë do të ketë saktësisht 1,2 milion euro buxhet më shumë sesa vitin e kaluar apo në total 45,1 milionë euro.

Por, në këtë projektbuxhet të miratuar në Qeverinë e Kosovës nuk shihet ndonjë kapacitet shtesë në pajisjet ushtarake për FSK-në.

Përjashto autoblindat, për të cilat 3.3 milionë euro kanë qenë të ndara edhe në buxhetin e vitit 2015, para të cilat janë transferuar këtë vit dhe pritet të blihen, nuk shihet ndonjë ndryshim i madh.

Në fakt, ajo çka do të jetë projekt i ri për FSK-në gjithmonë sipas projektbuxhetit të 2016-ës janë blerja e Simulatorit Konstruktiv që parashihet të kushtojë 450 mijë euro, 100 mijë euro për Autorobotin për Deminim dhe disa renovime të objekteve e kazermave të FSK-së

Për njohësit e çështjeve të sigurisë, i gjithë ndërtimi i FAK-ut do të ndodhë vetëm pas rishqyrtimit të Sektorit të Sigurisë dhe sipas tyre, vetëm atëherë do të mund të caktohet kostoja e ndërtimit të ushtrisë.

Është paraparë që në vitin e parë FAK-ut t’i ndahen rreth 60 milionë euro.

Por, as këtë vit forca nuk do të mund të blejë helikopterë, për shkak të buxhetit dhe kufizimeve politike.

E megjithatë, 3 pilotët e parë të saj dhe një inxhinier i makinerisë ushtarake janë duke u shkolluar në akademinë ushtarake të Turqisë dhe Ioëas që nga 2012.

Për këtë, fajtor thuhet të jetë një moskoordinim institucional dhe mungesa e vullneti nga të dyja palët.

Sidoqoftë Kosova ka më shumë se dy vjet që ka hartuar edhe një projektligj për ndryshimin e rreth 40 ligjeve aktuale që i hapin rrugë një gjëje të tillë.

Por puna ka ngecur në Kuvend, pasi për t’u votuar ndryshimet për FSK-në është e domosdoshme vota e deputetëve serbë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/fsk-nuk-do-te-kete-helikoptere-as-vitin-e-ardhshem/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala