Lajme 6 vite më parë

Fletëarrest ndaj Ylli Hoxhës

Autori:Avdyl Pajaziti

 

Policia e Kosovës ka lëshuar fletëarrest ndaj asambleistit të Vetëvendosjes, Ylli Hoxha, për pengim të personit zyrtar.

Kjo ka ndodhur, pasi ai ishte pjesmarrës në bllokimin e hyrjes në ndërmarrjen komunale “Pastrimi”, për ta pamundësuar, siç e quan Vetëvendosje, drejtorin jolegjitim, Feim Salihun. “I kujtojmë gjithë opinionin se Feim Salihu është shkarkuar nga kjo detyrë me datën 9 janar të këtij viti, nga bordi i drejtorëve të kësaj ndërmarrjeje. Gjithashtu, edhe Gjykata Themelore në Prishtinë, me aktvendimin e datës 16 janar 2015, ka vendosur që ish kryeshefi ekzekutiv, Feim Salihu ishte zgjedhur në mënyrë të paligjshme. Megjithatë, Feim Salihu vazhdon ta injorojë vendimin e bordit dhe vendimin e Gjykatës. Ndaj Feim Salihut, po ashtu ekziston kallëzim penal për kërcënim dhe pengim të ushtrimit të detyrës zyrtare, nga kryesuesi i bordit, Bardhyl Noci” thuhet në reagimin e Vetëvendosjes

Sipas VV, edhe përkundër të gjitha këtyre argumenteve, “Policia vazhdon ta tolerojë Feim Salihun dhe të mos e zbatojë vendimin e Gjykatës Themelore dhe të bordit të drejtorëve për pezullimin dhe shkarkimin e tij”.

“Për më tepër, sot policia lëshoi fletëarrest për këshilltarin komunal nga Lëvizja Vetëvendosje, Ylli Hoxha, për pengim të personit zyrtar, në këtë rast vet Feim Salihut, i cili që nga momenti i shkarkimit të tij nuk ka asnjë të drejtë ta ushtrojë këtë funksion”, theksoi kjo parti.

Vetëvendosje i bën thirrje policisë që të mos bëj drejtësi selektive, “por të zbatojë vendimin e bordit të drejtorëve dhe të Gjykatës Themelore, detyrë kjo që e ka të caktuar me kushtetutë, e jo të vihet në shërbim interesave partiake të LDK-së”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/fletearrest-ndaj-ylli-hoxhes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala