Ferizajasit rrezikohen nga fasadat e ndërtesave (Foto)

Autori:Avdyl Pajaziti

Forumi Politik i të Rinjve nga Ferizaj shpreh shqetësimin nga rreziku që iu shkaktohet qytetarëve nga fasada e ndërtesave kolektive që ka filluar të shembet.

Ata përmes një komunikate për media kanë reaguar duke dërguar edhe disa fotografi që e tregojnë gjendjen jo të mirë.
Kjo është komunikata:

Forumi Politik i të Rinjve, shpreh shqetësimin lidhur me rrezikun që i kanoset qytetarëve nga fasadat e vjetruara të ndërtesave kolektive në Komunën e Ferizajt. Fatkeqësisht, ky rrezik është manifestuar në formë fatale duke lënë të vdekur një person para pak kohësh.

Kuvendi Komunal në Ferizaj ka ndërmarrë disa veprime duke larguar mbajtëset e luleve, hequr rregullimet nga ballkonet e këtyre ndërtesave, mirëpo ky problem vazhdon të shqetësoj qytetarët e Ferizajt, për shkakun se rrezik permanent paraqet vet fasada e ndërtesës përkatëse.

Komuna e Ferizajt, duhet të angazhoj një kompani private apo të krijoj ndërmarrjen për mirëmbajtje banesore në mënyrë që të evitohen këto probleme dhe të rrisin sigurinë e qytetarëve të Ferizajt. Kjo çështje është ngritur disa herë nga akter të shoqërisë civile, mirëpo Komuna e Ferizajt përveç paaftësisë për të krijuar një ndërmarrje të tillë për mirëmbajtje, nuk ka ndarë as fonde publike që do të përdoreshin kryekëput me këtë problematikë.

Deri në zgjidhjen e kësaj çështjeje, qytetarët janë të detyruar të lëvizin me kujdes të shtuar në zonat ku ndodhen këto ndërtesa, e që fatkeqësisht është zona më e frekuentuar- Qendra e qytetit.
Forumi Politik i të Rinjëve(FOPOR) kërkon nga Kuvendi Komunal në Ferizaj:

• Që me urgjencë dhe profesionalizëm të hartoj planin për mirëmbajtjen dhe rritjen e sigurisë së qytetarëve, siguri kjo që cenohet nga mosmirëmbajtja e ndërtesave kolektive,
• Bashkëpunim me qytetarët për evitimin e rreziqeve nga këto ndërtesa
• Krijimi i ndërmarrjes komunale për mirëmbajtjen e ndërtesave publike-kolektive
• Të përkrah funksionimin e Këshillave të Banesës në kuptimin e kompetencave lokale për ndërtesat publike-kolektive
• Të bëj vlerësim profesional për rrezikshmërinë e ndërtesave të tilla
• Të shenjëzoj, paralajmëroj qytetarët për rrezikun që i kanoset nga këto ndërtesa.

foto

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ferizajasit-rrezikohen-nga-fasadat-e-ndertesave-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala