Ferizaj: Anulohet tenderi për kontinjer nëntokësor

Autori:Gazeta Fjala

 

Tenderi për vendosjen e kontinjerëve nëntokësor në komunën e Ferizajt,  është stopuar. Kjo pasi që Organi Shqyrtues i Prokurimit Publik ka vendosur që ky tender të anulohet.

Kjo komunë  në fillim të shtatorit kishte shpallur fituese kompaninë “Eing com” nga Podujeva,   në vlerën e 28 mijë e 500 euro.

Mirëpo ndaj saj ishte ankuar German Construction Group një operator tjetër pjesëmarrës.

Në vendimin  e publikuar gjatë së hënës, OSHP i jep të drejtë kompanisë ankuese German Construction Group. Ky organ ka gjetur se kompania e rekomanduar për kontratë nuk ka plotësuar kërkesat teknike të kërkuara sipas dosjes së tenderit raporton Gazeta Fjala.

“ Nuk ka plotësuar kërkesën lidhur me patenten e ekskluzivitetit për mënyrën e ngarkimit dhe shkarkimit të mbeturinave valide në territorin e Kosovës ashtu siç kërkohet në specifikimet teknike”, shkruan në këtë vendim.

Përfaqësuesi i autoritetit kontraktues komunës së Ferizajt, gjatë seancave shqyrtuese kish njoftuar se kjo ishte hera e tretë që ishte publikuar ky tender.

“Pasi që ishte anuluar edhe dy herë e që sipas komisionit vlerësuers të gjithë dokumentacioni I kërkuar dhe kriteret e parapara sipas dosjes së tenderit të dy OE I kanë plotësuar. Ato kritere janë kërkuar në dosjen bazë të tenderit. / Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/ferizaj-anulohet-tenderi-per-kontinjer-nentokesor/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala