Familjarët e pasur të politikanëve

Autori:Avdyl Pajaziti

Deklarimet e pasurisë së zyrtarëve të lartë shtetërorë kanë nxjerrë në pah se shumica e familjarëve të këtyre të fundit janë “rehatuar” në institucione të ndryshme publike dhe private, prej nga sigurojnë të hyra të majme.

Madje sipas formularëve të deklarimit të pasurisë, të publikuar nga Agjencia Kosovare Kundër Korrupsionit (AKK), familjarët e zyrtarëve shtetërorë marrin paga shumë më të larta sesa që fitojnë këta të fundit nga postet politike.

Në bazë të formularëve të deklarimit të pasurisë, bashkëshortja e zëvendëskryeministrit të vendit, Hashim Thaçi, fiton shumë më shumë se numri dy i Qeverisë së Kosovës, si ligjëruese në Kolegjin “Fama”.

Lumnije Thaçi ka pagë vjetore prej rreth 18 mijë eurosh, përderisa bashkëshorti i saj si kryediplomat paguhet rreth 14 000 euro në vit.

Ndërsa, bashkëshortja e kryeministrit aktual, Isa Mustafa, nuk realizon fare të ardhura.

Në bazë të formularëve, bashkëshorti i minitres Hykmete Bajrami del të realizojë më shumë të ardhura sesa gruaja e tij ministre. /zeri/

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/familjaret-e-pasur-te-politikaneve/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala