EULEX shtyn edhe seancat e javës së ardhshme

Autori:Gazeta Fjala

EULEX ka anuluar edhe seancat e caktuara për javën e ardhshme, ani pse mandati i këtij misioni është vazhduar javën e kaluar nga deputetët e Kuvendit të Kosovës. Mos funksionimi i EULEX po ndodh pasi ligjet e votuara në Kuvend për vazhdim të mandatit ende nuk janë publikuar në Gazetën Zyrtare.

Këtë e ka konfirmuar për Gazetën Express avokati mbrojtës i angazhuar në disa raste të hapura nga EULEX, Arianit Koci.

“Në këtë moment e morra një thirrje nga zyrtaret e EULEX’it, dhe më informuan që seanca gjyqësore të caktuara për javën e ardhshme janë anuluar.”, tha Koci.

“Kjo zvarritje e procedurave penale është në kundërshtim me Konventën Evropiane për të Drejtat e Njeriut. Për shkak se po shkelet e drejta e të pandehurve në gjykim të drejte dhe në kohë të arsyeshme”, vazhdoi tutje avokati.

“EULEX për kohen sa është pa mandat, nuk është i autorizuar të merr asnjë vendim. Kjo zvarritje do ta çrregulloj dinamiken e gjykimeve”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/eulex-shtyn-edhe-seancat-e-javes-se-ardhshme/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala