EULEX: Nuk jemi kompetent për heqjen e imunitetit të Maria Bamieh

Autori:Avdyl Pajaziti

Misioni i EULEX-it në Kosovë, ka reaguar në lidhje me heqjen e imunitetit të ish prokurores së këtij misioni, Maria Bamieh.

Misioni i EULEX-it lidhur me kërkesën e autoriteteve vendore për heqjen e imunitetit të një ish-pjesëtari të stafit 11 nëntor 2016 Misioni i EULEX-it rithekson se ka pranuar një kërkesë nga autoritetet kosovare për heqjen e imunitetit të një ish-pjesëtari të stafit, njofton ky mision përmes një komunikate.

EULEX thotë se kërkesa është trajtuar në pajtim me procedurat standarde ekzistuese, ndërkaq kërkesa për heqjen e imunitetit mund të bëhet vetëm nga autoritetet vendore me kërkesë të prokurorit që merret me hetimet e rastit.

“Vendimi se a duhet hequr imuniteti i një pjesëtari të stafit përfundimisht merret nga Përfaqësuesi i Lartë në Bruksel dhe prandaj është jashtë kontrollit të Misionit dhe/apo ndonjërit prej pjesëtarëve të stafit të tij. Nuk është nisur asnjë hetim penal as nga Jaroslava Novotna e as nga Claudio Pala. Autoriteti relevant për ndjekje në këtë rast është Prokurori i Shtetit i Kosovës. Të gjitha pyetjet lidhur me media në të ardhmen duhet adresuar atje pasi që rasti është filluar nga Zyra e Prokurorit të Shtetit e jo nga EULEX-i”, thuhet në fund të reagimit të EULEX-it.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/eulex-nuk-jemi-kompetent-per-heqjen-e-imunitetit-te-maria-bamieh/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala