Edhe ekzagjerimi me higjienën është i dëmshëm

Autori:Avdyl Pajaziti

Të qenët maniake pas higjienës dhe pastërtisë, për vete, por edhe për fëmijët tuaj, nuk është gjithnjë një gjë e mire. Ndoshta keni dëshirë të përfshiheni tek nënat “higjeniste”, por rrezikoni të mos i bëni mirë fëmijëve tuaj.

Sipas profesorit italian Alberto Villani, përgjegjës i departamentit te sëmundjeve infektive në spitalin Bambin Gesu në Romë, i gjithë ambienti ku jetojmë ne te vërtetë nuk është steril. Si pasojë është e pakuptimte të kërkojmë, që vete të jemi të tillë. Me pas ai u jep një këshillë edhe vete pediatreve, të cilët i këshillon, që nuk duhet të stresojnë nënat e reja me maninë e higjienës se tepruar.

Mania, apo me keq akoma, obsesioni për pastërtinë ekstreme, thotë një tjetër profesor, Claudio Mencacci nga spitali Fatebenefratelli në Milano, mund të shndërrohet në një fobi qe e vështirëson edhe me shume marrëdhënien e fëmijëve me realitetin. Nëse nëna e ushqen fëmijën me friken e të ndoturit, ai fëmijë do të ketë me pak dëshirë për të njohur dhe eksploruar realitetin.

Pa u bere maniak te pastërtisë dhe higjienës, këshillohet një larje e mire e duarve ne radhe te pare pasi përmes tyre mund te marrim mikrobet, nga mjedisi, ushqimet, njerëzit e tjerë dhe për këtë do të mjaftonte që ato të laheshin:

1. Përpara se te hamë

2. Përpara dhe pas përgatitjes se ushqimit

3. Pas përdorimit te banjës dhe procedimit me panolinat e fëmijëve

4. Pas pastrimit të mjediseve që shërbejnë për depozitimin e mbeturinave si banja apo kuzhina

5. Pasi keni prekur me dorë kafshët, qofshin këto edhe të shtëpisë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/edhe-ekzagjerimi-me-higjienen-eshte-i-demshem/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala