E paqartë pasurimi i shpejtë i zyrtarëve publikë ! [Video]

Autori:Avdyl Pajaziti

Deklarimi i pasurisë së zyrtarëve publikë në Kosovë vazhdon të jetë me shumë të meta dhe të ngre dilema.

Janë ngritur shumë pikëpyetje, e mbi të gjitha për shkak se asnjëherë nuk dihet origjina e saktë e pasurimit të shpejtë të politikanëve e zyrtarëve publikë.

Në këtë aspekt, Prokuroria kurrë nuk ka kryer ndonjë hetim për pasurimin e shpejtë të zyrtarëve të shtetit.

Për organizatën “Çohu”, AKK-ja më shumë kryen punë administrative me deklarim të pasurisë, sesa që bën mbikëqyrje për zyrtarët që paguhen nga taksa të qytetarëve. KohaVisioni ka pyetur Prokurorinë e Shtetit nëse ka bazë që të hetohen rritjet enorme të pasurisë së zyrtarëve të shtetit, por nuk ka marrë përgjigje për dy ditë rresht për këtë, raporton KTV.

Arsyetimi i zyrtarëve të mediave të Prokurorisë ka qenë ‘se kryeprokurori dhe të tjerët nuk gjenden në Kosovë’.

Lëvizja “FOL” mendon se hetime duhet të ketë edhe për periudhën e para vitit 2000.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/e-paqarte-pasurimi-i-shpejte-i-zyrtareve-publike-video/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala