E konfirmon Agim Bahtiri: Jam duke biseduar me LDK’në

Autori:Avdyl Pajaziti

Kryetari i Mitrovicës, Agim Bahtiri ka thënë se është duke biseduar me udhëheqësit e LDK’së por ende s’ka vendosur nëse do t’i bashkohet kësaj partie.

Bahtiri ka thënë se nuk e di ende nëse do ta lë AKR’në për LDK’në

“Kemi biseduar por vendim s’kemi marrë. Vetëm kemi biseduar”, ka thënë Bahtiri, për Gazetën Express.

“Nuk e di”, është përgjigjur kur është pyetur nëse përfundimisht do t’i bashkohet Lidhjes Demokratike të Kosovës. Sidoqoftë, ai ka mohuar mundësinë e prishjes së raporteve me AKR’në.

“Me AKR’në s’i kemi prishur”, ka shtuar ai.

Gazeta Fjala ka raportuar gjatë ditës së djeshme se Agim Bahtiri do të kalojë në LDK. Madje këtë lajm Gazeta e ka pasqyruar edhe me një fotografi, ku shihet Bahtiri me disa drejtues të kësaj partie.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/e-konfirmon-agim-bahtiri-jam-duke-biseduar-me-ldkne/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala