Lajme 5 vite më parë

Dugolli: Vendimi i ministrit, i kundërligjshëm

Autori:Gazeta Fjala

Bujar Dugolli, dekan në Fakultetin Filozifik dhe senator në Universitetin e Prishtinës, ka reaguar pas vendimit të Ministrisë së Arsimit që të shfuqizojë vendimin e djeshëm të Këshillit Drejtues për shkarkimin e Rektorit Ramadan Zejnullahu.

Në një prononcim për Gazetën Fjala, Dugolli e ka quajtur vendimin e Ministrit Arsim Bajrami si të jashtligjshëm.

“Vendimi  është i kundërligjshëm pasi që prekë autonominë e e UP-së”, ka thënë ai, duke shtuar se kjo është ndërhyrje ne punën e universitetit.

I pyetur nëse do të vazhdojë të kërkojë shkarkimin e Rektorit Zejnullahu, Dugolli nuk ka dhënë ndonjë përgjigje të qartë.

“Nuk e di njëherë, isha në mësim dhe nuk i di më të rejat e fundit.”

Bujar Dugolli ka qenë një nga senatorët më të zëshëm në kërkesën për shkarkimin e Rektorit Zejnullahu./Gazeta Fjala

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/dugolli-vendimi-i-ministrit-i-kunderligjshem/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala