Drogë drejt Kosovës, 5 të arrestuar

Autori:Avdyl Pajaziti

Një operacion i policisë së Kukësit i koduar “Jupa 1” ka zbuluar një sasi të konsiderueshme lënde narkotike me destinacion Kosovën dhe ka vënë në pranga dy persona. Në orët e mbrëmjes së lënë pas u vu në pranga Indrit Lala, 22 vjeç , banues në Krumë të Hasit dhe Selanik Hoti, 23 vjeç, banues po në Krumë.

Burime zyrtare nga policia thanë për Noa.al, se dy të rinjtë janë kapur në flagrancë në rrugën Kukës- Morinë, pasi me automjetin tip Mercedes Benz me targa AA 552 KE, që e drejtonte Indrit Lala transportonin rreth 3 kilogramë lëndë narkotike të dyshuar si marijuanë, të cilën do ta trafikonin për në Kosovë. Nga hetimet e kryera nga unifomrat blu rezulton se të ndaluarit kryenin trafikim të lëndëve narkotike në sasi të vogla në drejtim të Kosovës. Mësohet se lëndën narkotike e kanë blerë në një qytet të Shqipërisë së Mesme.

Nga ana e uniformave blu lënda narkotike dhe automjeti u sekuestruan në cilësinë e provës materiale.

Arrestohen 3 të tjerë

Paraditen e sotme policia e Kukësit informoi se ka shkuar në pesë numri i të arrestuarve të operacionit “Jupa 1”, pasi janë kapur dhe tre persona të tjerë të përfshirë në trafikun e lëndëve narkotike në drejtim të Kosovës.

Të arrestuarit janë Altron Maxhuni, 23 vjeç, banues në Prishtinë, Grir Shala, 27 vjeç, banues në Prishtinë dhe Ermir Dedja, 19 vjeç banues në Durrës. Kapja e dy shtetasve nga Kosova u bë në mesnatë në afërsi të Morinës, ndërsa i riu nga Durrësi u kap në Durrës në bashkëpunim me Policinë e Durrësit. Nga tërësia e veprimeve hetimore rezultoi se Ermir Dedja gjatë ditës së djeshme iu ka shitur lëndën narkotike dy shtetasve të arrestuar gjatë operacionit, Indrit Lala dhe Selanik Hoti, të cilët do ta transportonin lëndën narkotike deri në afërsi të Morinës, ku do ta blinin dy shtetasit kosovarë. /noa/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/droge-drejt-kosoves-5-te-arrestuar/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala