Lajme 6 vite më parë

Drenasi përkrah katolikët e Llapushnikut

Autori:Avdyl Pajaziti

Komuniteti katolik i Llapushnikut ka marrë përkrahjen e Kuvendit të Drenasit dhe në këtë mënyrë mund të vazhdojë ndërtimin e kishës dhe ta rregullojnë vendin për varreza, në vendin e quajtur “Gradinë”, pasi që është sqaruar, madje edhe është konstatuar, se Ipeshkvia e Kosovës ka blerë 2.5 hektarë tokë nga AKP-ja në njërën prej valëve të privatizimit në pjesën ku ka filluar ndërtimi.

Vetëm një këshilltar komunal nga 30 sa ishin të pranishëm, ka votuar kundër propozimit të këshilltarit nga radhët e LDK-së, Rifat Bilalli, që Kuvendi ta përkrahë komunitetin katolik për ndërtimin e varrezave dhe të kishës, ndërsa dy të tjerë kanë abstenuar. Bilalli tha se është e drejtë e komunitetit katolik, por edhe e Ipeshkvisë që të ndërtojë kishë dhe varreza në pronën e vet.

“Unë edhe në vitin 2009 kur është diskutuar në Kuvend për këtë çështje kam thënë se atyre u mjaftojnë 0.5 hektar tokë për varreza, por meqë ata e kanë privatizuar atë pjesë, atëherë, ajo është e tyre dhe në këtë mënyrë nuk mund t’u mohohet e drejta që të ndërtojnë kishë, apo të hapin varreza”, thoshte ai./Zeri/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/drenasi-perkrah-katoliket-e-llapushnikut/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala