Eko 6 vite më parë

Dorëzohet Greqia: I pranojmë kushtet, vetëm të mbetemi në Eurozonë (Dok)

Autori:Avdyl Pajaziti

Kryeministri i Greqisë, Alexis Tsipras, është shprehur i gatshëm që të ndërrojë qëndrimet e tij në lidhje me marrëveshjen me kreditorët, pak para kolapsit financiar të Greqisë.

Ai është shprehur i gatshëm të pranojë pothuajse të gjitha kushtet e kreditorëve, duke shënjuar orvatjen e fundit për ta mbajtur Greqinë brenda Eurozonës, transmeton Indeksonline.

Në letrën që ai ka publikuar, thuhet se Greqia pranon kërkesat e kreditorëve me disa ndryshime minore.

Tsipras tha se do të pranojë reformat për tatimin e vlerës së shtuar në vend por me një ndryshim për ishujt grekë, për të cilët TVSH duhet të jetë 30 % më pak se për pjesën tjetër të vendit. Për çështjen e pensioneve, Tsipras deklaroi se masat për kërkesën për ta ngritur moshën e daljes në pension në 67 vjeç nga viti 2022, të fillojnë në tetor të këtij viti dhe jo menjëherë. Kërkesat e kryeminstrit grek pritet të diskutohen sot rreth orës 15:30 në mbledhjen e krerëve të eurozonës.

Letra e tij prej dy faqeve, gjatë ditës së sotme, është dërguar në Komisionin Evropian, në Bankën Qëndrore Evropiane, si dhe në Fondin Monetar Ndërkombëtar. /Indeksonline/

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/dorezohet-greqia-i-pranojme-kushtet-vetem-te-mbetemi-ne-eurozone-dok/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala