Devolli Corporation distancohet nga panot fyese

Autori:Avdyl Pajaziti

Kompania Devolli Corporation përmes një komunikate për medie është distancuar nga posterat të cilët u shfaqën gjatë ditës së djeshme në disa mjedise të Kosovës. Përmbajtja e atyre panove zgjoi reagimin dhe zemërimin e qytetarëve, por edhe të zyrtarëve të vendit, si një veprim të padenjë ndaj njerëzve të medias.

Në komunikatë thuhet:

Dje me datë 02.03.2015 në ambientet e fabrikës M&Sillosi u mbajt Konferenca zyrtare për Media e thirrur nga kompania jonë.
Gjatë kohës sa mbahej ky takim, në Pejë dhe Gjakovë janë vendosur disa pano pa dijeninë dhe autorizimin e Bordit Menaxhues të Devolli Corporation.

Bordi Menaxhues i Devolli Corporation ka filluar të hulumtojë këtë rast ku është përdorur logo e kompanisë sonë pa autorizim dhe me përmbajtje të papërshtatshme.

Devolli Corporation siguron opinionin kosovar se këto veprime nuk janë në linjë me politikat afaruese dhe nuk pasqyrojnë qëndrimin e Kompanisë sonë.

Devolli Corporation distancohet nga veprimet e tilla dhe inkurajon fjalën e lirë nga kushdo, pavarësisht a është në pajtim me qëndrimet tona.

Ne do të mbesim të përkushtuar ndaj punës sonë dhe do të ndjekim vetëm normat etike dhe procedurat gjyqësore nëse vlerësojmë se ndonjë veprim i padrejtë bëhet kundër interesave të kompanisë sonë, përfundon komunikata.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/devolli-corporation-distancohemi-nga-panot-fyese/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala