Devollët me kampanjë raciste ndaj gazetarit Berat Buzhala

Autori:Avdyl Pajaziti

Fushata linçuese e kompanisë Devolli kundër gazetarit Berat Buzhala është shtrirë në tërë Kosovën. Por, pavarësisht kësaj, institucionet heshtin. Express ka kontaktuar me kompaninë që menaxhon reklamat e Devollëve, Zero Pozitive dhe Kryetarin e Pejës, Gazmend Muhaxherin, por ata nuk kanë dashur t’iu përgjigjen pyetjeve të gazetës.

Korporata Devolli ka shpërndarë në qytetin e Pejës billborde ofendues për redaktorin e Gazetës Express, Berat Buzhala. E përgjithësinë për shpërndarjen e këtyre postereve nuk po guxon ta marrë askush.

Për këta poster ofendues po heziton të flas edhe kompania që menaxhon reklamat e kompanisë Devolli, Zero Pozitive Public. Sipas tyre, përgjegjësi i kompanisë për shpërndarjen e billbordave nuk është në zyre.

E kjo e pamundësojë kontaktin me të, pasi të tjerët nga kjo kompani nuk mund të flasin për këtë.

“Nuk dimë ne, pyet në recepsion”, përgjigjet në telefon dikush i departamentit për media i Zero Pozitive.

E recepsionistja na thotë se sot nuk mund të na përgjigjet askush, se personat kompetent janë në takime, e tjerët nuk dinë gjë për këtë punë.

Për shpërndarjen e këtyre postereve nuk po është në dijeni as kryetari i komunës së Pejës, Gazmend Muhaxheri. Edhe pse për ofendim të tillë të gazetarit Buzhala janë përdorur hapësirat e qytetit që ai menaxhon, megjithatë Muhaxhri nuk e din se as çka do të ndërmarr ndaj këtyre postereve, të paktën përderisa nuk i ka parë vet.

“Ta shoh. Duhna me këqyr çka mundem me bo”, thotë ai.

Kjo fushatë e Korporatës Devolli ndaj gazetarit Berat Buzhala ka nisur pas publikimet të fakteve nga Gazeta Express ku dëshmohet se kjo kompani po u shet qytetareve të Kosovës ushqim të kafshëve – krunde të paketuara si miell për bukë.

Express është i vetmi medium që ka guxuar të publikoj këto dëshmi. Dhe këtë betejë e ka nisur vet, duke mos u përkrahur as nga mediat tjera, të cilat ende vazhdojnë të heshtin ndaj krundëve që Devolli po servonë në tryezat tona.?(Express)

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/devollet-me-kampanje-raciste-ndaj-gazetarit-berat-buzhala/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala