Deputetët “rebelë” të PDK-së ndryshojnë qëndrim për Specialen

Autori:Avdyl Pajaziti

Deputetët e PDK-së do të jenë më unikë për ta votuar themelimin e Gjykatës Speciale, kur do të riprocedohet në Kuvend. Disa prej tyre, të cilët fillimisht kanë qenë kundër apo kanë abstenuar, tashmë kanë ndryshuar qëndrim.

Njëri nga nënkryetarët e PDK-së i ka thënë gazetës “Zëri” se deputetët e partisë së tij në të ardhmen do ta mbështesin krijimin e Dhomave Speciale dhe do të sigurohen votat e nevojshme për aprovimin e saj.

“Besoj se gjatë ditëve të ardhshme shefi i Partisë, Hashim Thaçi, do t’i konsultojë deputetët veç e veç, por edhe do të mbahet mbledhja e grupit dhe aty do të qartësohen gjërat. Nuk guxojmë të lejojmë edhe njëherë dështimin e Gjykatës Speciale. Kjo do t’iu bëhet e qartë deputetëve dhe prandaj pritet reflektim i gjithë deputetëve”, ka thënë njëri nga nënkryetarët e PDK-së.
Sipas tij lideri i Partisë, Hashim Thaçi kësaj radhe pritet të jetë më i rreptë në raport me deputetët që nuk e kanë votuar specialen.

“Do t’iu tregohet edhe atyre se obligimi ndërkombëtar që është marrë për Specialen duhet të realizohet. Ky është qëndrimi i grupit se duhet të votohet Specialja”, ka thënë zyrtari i PDK-së, sipas të cilit mund të jenë vetëm tre deputetët: Nait Hasani, Fadil Demaku dhe Ganimete Musliu, që pritet sërish të votojnë kundër Speciales. /Zëri/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/deputetet-rebele-te-pdk-se-ndryshojne-qendrim-per-specialen/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala