Dënohet me burg personi që kërcënoi me vrasje djalin e kryeministrit

Autori:Avdyl Pajaziti

Alban Morina nga Rixheva e Klinës, i cili në Facebook kishte kërcënuar me vrasje djalin e kryeministrit Isa Mustafa, dhe ministrin Arban Abrashi, do t’i vuaj tre muaj burgim.

Shtypi vendor shkruan sot, se ndaj tij organet e rendit dhe të drejtësisë kanë vepruar shpejtë, ku pas arrestimit, menjëherë i është ngritur aktakuzë dhe i është shpallur aktgjykimi i cili e mban atë prapa grilave për tre muaj.

Morina, kishte shkruar në Facebook, duke iu drejtuar Besnik Mustafës, se shumë shpejtë do të vijë dita kur ai do të digjet me benzinë.

Ndërsa, ministrin Abrashi e kishte kërcënuar me varje publike, pas një revolucioni që shumë shpejtë sipas tij pritet të ndodhë në Kosovë.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/denohet-me-burg-personi-qe-kercenoi-me-vrasje-djalin-e-kryeministrit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala