Demaku: Vendimi i gjykatës, i dyshimtë dhe i padrejtë

Autori:Avdyl Pajaziti

Gjykata Themelore e Prishtinës e ka dënuar me 1 vit e 6 muaj burg kryetarin e komunës së Drenasit, Nexhat Demaku .

Ai akuzohet për keqpërdorim të pozitës zyrtare në rastin e një parcele toke prej 4 hektarësh të cilën komuna e konsideron të vetën, por Gjykata Supreme e vlerësoi private.

Këtë lajm e ka konfirmuar për Klan Kosovën vet Demaku i cili e ka cilësuar si të padrejtë dhe të dyshimtë vendimin e kësaj gjykate.

I pari i Drenasit tha se toka ku është ndërtuar shkolla, figuron në kadastrin e komunës si pronë komunale dhe familja Hasi e cila e ka paditur komunën ka kërkuar nga ky institucion lokal që të bëjë tjetërsimin e pronës dhe atë ta shpallë si pronë private, gjë që ka refuzuar ta bëjë komuna e Drenasit.

Sipas Demakut, rasti për të cilin u dënua daton nga viti 2000.

Ai më tej shtoi se do bëjë apel ndaj këtij vendimi.

Pos udhëheqësit të kësaj komune, me 1 vit burg për të njëjtin rast është dënuar edhe drejtori i kadastrit Mehdi Kurumeli ndërkaq referenti për ndërrime kadastrale, Shefqet Morina është liruar nga akuzat.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/demaku-vendimi-i-gjykates-i-dyshimte-dhe-i-padrejte/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala