Lajme 6 vite më parë

Deliu-Kodra: “Po krijohet ambient i mirë për gratë në vendimmarrje”

Autori:Avdyl Pajaziti

Kryesuesja e Grave Deputete të Kuvendit të Republikës së Kosovës,  Blerta Deliu Kodra është dukë marrë pjesë në “Javën e Gruas“ e cila po mbahet në  Londër.

Në këtë takim po diskutohet për gjendjen e grave në 20 shtete të botës, përfshirë edhe Kosovën.

Deliu-Kodra me këtë rast ka diskutuar edhe rreth arritjes së objektivave të shtetit të Kosovës.

“Me gjithë sfidat e shumta në Kosovë, dita-ditës po krijohet një ambient i mirë për përfshirje të grave dhe vajzave në vendimmarrje“, ka thënë ajo.

Ajo ka vlerësuar më tej punën e mirë që ka bërë dhe po e vazhdon ta bëjë presidentja e vendit,  Atifete Jahjaga në arritjen e objektivave gjinore.

Gjatë këtij takimi, shteti ynë është vlerësuar dhe cilësuar nga gratë pjesëmarrëse si shembull i mirë bashkëpunimi në mes të grave deputete në Kuvendin e Kosovës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/deliu-kodra-po-krijohet-ambient-i-mire-per-grate-ne-vendimmarrje/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala