Del në treg kartëmonedha e re 20 euro (foto)

Autori:Avdyl Pajaziti

Kur e njoftoi për herë të parë në muajin shkurt të këtij viti, Mario Draghi iu referua si një ndër kartëmonedha më të përparuara tekonologjikisht për sa i përket mundësisë për tu falsifikuar.

E në fakt kartëmonedha e re prej 20 euro nuk i zhgënjeu aspak pritshmërisë. Në varësi të dritës që mbi reliev, kartëmonedha e re shfaq imazhe të ndryshme. Gjithsesi, në të dyja anët, një prej imazheve që shfaqet është ai i Evropës, figurë e mitologjisë greke.

Image

Duke lëvizur përsëri kartëmonedhën nën efektin e dritës shfaqet në reliev edhe shifra prej 20 eurosh në ngjyrë argjendi. Edhe vetë numri ndryshon ngjyrën në varësi të dritës, nga jeshilja smerald në blu të errët.

Edhe në shiritin e sigurisë, atë qendrorin vihen re të njëjtat efekte në varësi të dritës, ku shfaqet përsëri vlera e kartëmonedhës. Në kartëmonedhën e re, Euro tashmë figuron si simbol dhe jo si fjalë,

Image

Kartëmonedha e re që ka për qëllim kryesor të limitojë sa më shumë mundësinë e falsifikimit do të hyjë në qarkullim duke filluar që prej datës 25 nëntor të këtij viti. Prerja prej 20 euro është ajo që shfrytëzohet më shumë nga falsifikatorët. Tashmë, këta të fundit, duket se do ta kenë të pamundur që të krijojnë kopje identike të kartëmonedhës prej 20 euro.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/del-ne-treg-kartemonedha-e-re-20-euro-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala