Dekanët kërkojnë imunitet për stafin akademik të UP-së (Dokument)

Autori:Avdyl Pajaziti

Në një letër drejtuar ministrit Arsim Bajrami, disa dekanë dhe senatorë propozojnë që zgjedhjet të mos organizohen për Këshillin Drejtues dhe Parlamentin e Studentor.

Ata kërkojnë zgjedhje për të gjitha organet e UP-së, por jo edhe për këto dy organet e fundit. Nënshkruesit e kësaj letre propozojnë që Këshilli Drejtues ta udhëheqë procesin zgjedhor, por në këtë shkresë nuk përmendet fare zgjedhjet për Parlamentin Studentor, raporton ORAinfo.

Gjithashtu, nënshkruesit e kësaj shkrese kërkojnë që zgjedhjet të mbahen gjatë muajit dhjetor dhe propozojnë një lloj moratoriumi në aktivitetet e Senatit të Universitetit gjatë periudhës sa zgjasin zgjedhjet, duke kërkuar që Senati të mos mblidhet si dhe të mos bëhen punësime, avancime dhe degradime.

E, kulmi i kësaj shkrese është që këta dekanë dhe senatorë kërkojnë që gjatë kësaj periudhe, të mos merren masa disiplinore ndaj stafit akademik dhe administrativ të UP-së.

Pra, këta dekanë po kërkojnë që stafit akademik të mos i shqiptohet asnjë dënim për moskryerjen e punëve në pajtueshmëri me ligjet në fuqi.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/dekanet-kerkojne-imunitet-per-stafin-akademik-te-up-se-dokument/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala