Vdiqën urie duke pritë tenderin

Autori:Avdyl Pajaziti

Punëtorët e Ministrisë së Tregtisë dhe Industrisë do të mbesin edhe për një kohë pa u shërbyer me ushqim e pije në byfen e kësaj ministrie.  Fajet për këtë i kanë vetë drejtuesit e këtij institucioni, pasi kanë bërë dallavere në tender. Këtë fakt e ka thënë edhe “gjykata e tenderëve” duke e kthyer mbrapsht krejt tenderin që ishte shpallur për ofrimin e shërbimit të bufesë.

Por, kjo nuk është hera e parë që këtij institucioni i anulohet tenderi për “Shërbimet e bufesë për nevojat e MTI-së”. Në fakt MTI këtë tender është duke e shpallur tani e tri herë.

Në vendimin e fundit të OSHP-së për këtë tender  është thënë se MTI nuk i është përmbajtur rregullave të prokurimit.

“Ministria e Tregtisë dhe Industrisë “, gjate zhvillimit te aktivitetit te prokurirnit Sherbirnet e byfesë për nevojat e MTI-se, Ri – tender 3”, me nr. prok: MTI – 204/14/025, nuk i ka respektuar ne përgjithësi dispozitat e LPP-se, njëkohësisht i rekomandoj Panelit Shqyrtues qe te anulohet Vendimi n e Autoritetit Kontraktues MTI , për anulim te aktivitetit te prokurimit, dhe lënda te kthehet ne Rivlerësim”, thuhet në vendimin e OSHP-së.

Këtë tender  në vlerë prej 24 mijë e 600 euro MTI ia pati dhënë kompanisë “Beni Dona Plast” .

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/dallaveret-me-tender-i-lene-pa-buke-punetoret-e-mti-se/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala