Boshnjakët ua marrin iftarin falas banorëve të Mitrovicës

Autori:Avdyl Pajaziti

Qytetarët e Mitrovicës, përkatësisht besimtarët myslimanë, për disa vite me radhë gjatë muajit të Ramazanit kanë pasur mundësinë që të ushqehen “gratis” tek “sofra” që shtrohej në oborrin e xhamisë “Bajram Pasha-Isa Beg” në Mitrovicë.

Por sivjet, së paku sipas asaj që thotë imami i kësaj xhamie, Mulla Asllan Murati, këta besimtarë nuk do ta kenë këtë mundësi.

Në një prononcim për Telegrafin, hoxha thotë se tenda e vendosur për disa vite me radhë në oborrin e kësaj xhamie për t’ju ofruar qytetarëve të Mitrovicës iftar pa pagesë është dërguar në një komunë të Bosnjës.

Sipas Muratit kjo për arsye se organizatorët e kësaj tende “Bajram Pasha” janë vëllazëruar me një komunë të Bosnjës.

“Në këtë Ramazan nuk është vendosur tenda nga ana e organizatorëve ‘Bajram Pasha’ të Turqisë sepse sipas informative që kemi janë vëllazëruar me një komunë të Bosnjës dhe e kanë dërguar në Bosnjë për muajin e Ramazanit”, ka thënë Murati.

Ndryshe qytetarët e Mitrovicës për disa vite në muajin e Ramazanit janë shërbyer për iftar pa pagesë nga shteti turk, në oborrin e xhamisë “Bajram Pasha-Isa Beg

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/boshnjaket-ua-marrin-iftarin-falas-banoreve-te-mitrovices/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala