Bllokohet magjistralja Prishtinë – Shkup

Autori:Zekirja Shabani

Rrëshqitjet të mëdha të dheut në Grykën e Kaçanikut, pas reshjeve të shiut, kanë bllokuar qarkullimin në magjistralen Prishtinë – Shkup.

Kështu ka njoftuar Ministria e Infrastrukturës para pak çastesh, raporton Gazeta Fjala.

“Njoftojmë se për shkak të reshjeve të shiut, në rrugën N2 – Prishtinë-Hani i Elezit, në Grykën e Kaçanikut janë shkaktuar rrëshqitje të dheut, kështu që kjo pjesë e rrugës është mbyllur tërësisht dhe aktualisht është e pakalueshme”, thuhet në njoftimin e MI.

Rruga është bllokuar në pjesën te muri mbrojtës, ku kohë më parë pati intervenuar KFOR-i.

Aktualiosht qytetarët nuk mund të përdorin as rrugë alternative për qarkullim, pasi nuk ekzistojnë kalime tjera në këtë pjesë.

“Kompania për mirëmbajtjen e rrugëve është duke punuar dhe duke bërë përpjekje për ta liruar sa më parë pjesën e bllokuar të rrugës”.

Me këtë rast kërkohet nga qytetarët që të kenë mirëkuptim deri në sanimin e gjendjes së shkaktuar, ndërsa për lirimin e rrugës do të njoftohen me kohë./Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/bllokohet-magjistralja-prishtine-shkup/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala