Lajme 6 vite më parë

Bie tavani i klasës gjatë mësimit, lëndohen disa nxënës (FOTO)

Autori:Avdyl Pajaziti

Disa nxënës janë lënduar, 3 prej të cilëve më rëndë në një incident që ka ndodhur ditën e sotme në Shkollën Fillore “Faik Konica” të fshatit Sllupçanit në Komunën e Likovës në Shqipëri.

Sipas burimeve të Portalit Albeu.com, sot paradite gjatë kohës që nxënësit e klasës së 7-të ishin duke zhvilluar mësim në lëndën e gjuhës shqipe me mësuesen Maide Jashari, papritmas mbi nxënësit ka rënë tavani i klasës duke lënduar shumicën e nxënësve prezent në klasë.

Siç shihet edhe nga fotografia e mësipërme, tavani ka rënë në mes të klasës, ndërsa stafi i shkollës është mobilizuar menjëherë duke i dërguar nxënësit e lënduar në klinikat më të afërta.

Sipas burimeve, shumica e nxënësve kanë pësuar lëndime të lehta dhe trauma nga ngjarja ndërsa 3 prej nxënësve kanë dëmtime më serioze në trup.

Vlen të theksohet se restaurimi i shkollës “Faik Konica” është bërë para rreth një viti ndërsa ngjarja e sotme tregon nevojën e hetimeve nga ana e Komunës së Likovës dhe Ministrisë së Arsimit për cilësinë e punimeve të kryera. /albeu.com/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/bie-tavani-i-klases-gjate-mesimit-lendohen-disa-nxenes-foto/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala