Biden: Liria fetare – rol madhor në luftimin e ekstremizmit

Autori:Avdyl Pajaziti

Zëvendëspresidenti amerikan, Joe Biden ka thënë se mbrojtja e lirive fetare është domosdoshmëri morale që e mbron shoqërinë nga ekstremizmi i dhunshëm.

Ai këto komente i ka bërë në një ceremoni të mbrëmshme në Nju Jork, me ç’rast ai u nderua me Çmimin për të Drejtat e Njeriut Athenagoras.

Ky është çmimi më i lartë që jepet nga Kisha Ortodokse Greke.

Biden ka theksuar se grupet terroriste, si al-Kaida dhe Shteti Islamik, e kanë shtrembëruar islamin për t’i arsyetuar aktetet tmerruese, transmeton REL.

Ai është shprehur se Shtetet e Bashkuara do të jenë të fuqishme derisa të jenë pishtare për të drejta të njeriut.

Zëvendëspresidenti Biden tha se vlerat religjioze në tërësi përputhen me vlerat civile në Shtetet e Bashkuara dhe e ka falënderuar religjionin e tij katolik, se i ka dhënë atij “strehim dhe siguri”.

Biden nuk ka bërë komente lidhur me kandidimin e mundshëm në garën për president të Shteteve të Bashkuara.

Njëri prej këshilltarëve të tij të lartë tha se këtë vendim ai do ta bëjë në të ardhmen e afërt.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/biden-liria-fetare-rol-madhor-ne-luftimin-e-ekstremizmit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala