Bernard Nikaj fluturoi me biletë prej 6.800 euro për Japoni

Autori:Avdyl Pajaziti

Bernad Nikaj nuk ka qeverisur shumë kohë në Ministrinë e Tregtisë dhe Industrisë. Por për një kohë të shkurtër ai ka lënë gjurmë në këtë insrtitucion, duke keqpërdorur paranë publike.

Nikaj kursimtar i parës së shtetit nuk ka qënë fare, kur ishte në pyetje udhëtimi jashtë vendit.

Drejtues të Ministrisë së Tregtisë kanë treguar për Gazetën Fjala, se Nikaj për një udhëtim zyrtar në Japoni ka paguar fiks  6 mijë e 843 euro.

E më e keqja del se për këtë udhëtim ministri me flokë kaçurrel nuk ka pasur as ftesë e as agjendë.

Një vërejtje për këtë shpenzim të parasë në bileta e ka dhënë edhe Auditori i Përgjithshëm në raportin për MTI-në.

“UA 2004/07 rregullon çështjen mbi udhëtimet zyrtare që i realizojnë shërbyesit civil me qëllim të përdorimit sa më ekonomik dhe efikas të mjeteve financiare. Gjithashtu, ky UA e specifikon klasën ekonomike të udhëtimit me aeroplan. MTI, ka devijime nga këto procedura pasi që në një rast ka paguar biletën e udhëtimit të klasës biznes për Japoni në vlerë prej 6,843 euro”, thuhet në raportin e Auditorit për vitin 2014./Gazeta Fjala/.

bernard nikaj

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/bernard-nikaj-fluturoi-me-bilete-prej-6-800-euro-per-japoni/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala