Bekim Haxhiu shkruan për qumështin e gjirit

Autori:Avdyl Pajaziti

Pas seancës së jashtëzakonshme të Kuvendit të Kosovës që u zhvillua në bufen e këtij institucioni, deputeti i PDK-së, Bekim Haxhiu është shprehur i kënaqur që janë votuar amandamentet e propozuar nga ai për Ligjin për Mbrojtjen e të ushqyerit me qumësht gjiri.

Lexojeni të plotë postimin e tij të bërë në facebook:

PËR KTHIM NË NORMALITET…

Mbrëmë në rrethana jo të lehta u zhvillua seanca e Kuvendit të Kosovës, ku ndër të tjera u miratua Ligji për MBROJTJEN E TË USHQYERIT ME QUMËSHT GJIRI. Me këtë rast dua të falënderoj Komisionin për Shëndetësi, Punë dhe Mirëqenie Sociale i cili mbështeti tri amandamentet e propozuara nga unë, ndërsa amandamenti tjetër mbetet të rregullohet me plotësim ndryshimin e Ligjit të Punës ose me Ligj të veçantë për Lehonat.
NË PROJEKTLIGJIN PËR MBROJTJEN E TË USHQYERIT ME QUMËSHT GJIRI, mbrëmë u votuan këto amandamente të propozuar nga unë:

Amandamenti 1. – u votua
Të drejtat e gruas së punësuar për gjidhënie
1. Secilës grua të punësuar që ushqen foshnjën me qumësht gjiri i takojnë të gjitha të drejtat e garantuara me legjislacionin përkatës në fuqi në Kosovë.
2. Çdo e punësuar që ushqen foshnjën me qumësht gjiri, nëse nuk e shfrytëzon pushimin e lehonisë pas muajit të gjashtë të tij dhe sipas dispozitave përkatëse ligjore në fuqi, prej muajit të gjashtë deri në një vit ka tё drejtën e pushimit me pagesë në kohëzgjatje prej dy (2) orë nё ditë brenda orarit të punës, duke mos përfshirë pushimin e rregullt gjatë orarit të punës, për ta ushqyer foshnjën me qumësht gjiri, siç është përcaktuar me këtë ligj.

Amandamenti 2 – u votua
Të drejtat e gruas së punësuar për gjidhënie
3. Çdo e punësuar që ushqen foshnjën me qumësht gjiri pas vitit të parë deri në dy vjet ka të drejtën e një (1) orë në ditë, pushim me pagesë, brenda orarit të punës, për ta ushqyer foshnjën me qumësht gjiri, duke mos përfshirë pushimin e rregullt gjatë orarit të punës.

Amandamenti 4 – u votua
Të drejtat e gruas së punësuar për gjidhënie
5. Çdo e punësuar që ushqen foshnjën me qumësht gjiri, pushimin me pagesë në kohëzgjatje prej (1) një apo dy (2) orë nё ditë brenda orarit të punës, e shfrytëzon në fillim, në mes , apo në përfundim të orarit të punës dhe për këtë e njofton me shkrim punëdhënësin bashkë me vërtetimin e mjekut se e punësuara është në gjidhënie.

Amandamenti në vijim nuk ka kaluar në komision dhe as në seancën e fundit por presë që të inkorporohet në të ardhmen në Ligjin e Punës

Amandamenti 3 – nuk votua

4. Çdo e punësuar që ushqen foshnjën me qumësht gjiri, nëse nuk dëshiron ta shfrytëzoj pushimin e lehonisë pas muajit të gjashtë deri në një vit, ka tё drejtën e punës më gjysmë orar, me gjysmë pagesë .
Çdo e punësuar që dëshiron ta shfrytëzoj pushimin e lehonisë pas muajit të gjashtë deri në një vit, me gjysmë orari, me gjysmë pagesë, duhet ta njoftoj me shkrim punëdhënësin .

Arsyetim
Puna me orar të shkurtuar parashihet edhe me Ligjin e Punës neni 22 , ku parashihet që orari i punës mund të shkurtohet deri në 20 orë në javë, për punë me rrezikshmëri të lartë e për qëllim ka mbrojtjen e shëndetit të të punësuarit, ndërsa propozimi ynë është edhe më fisnik ka për qëllim mbrojtjen e shëndetit të foshnjës.

Me respekt,
Bekim Haxhiu

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/bekim-haxhiu-shkruan-per-qumeshtin-e-gjirit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala