Lajme 6 vite më parë

Azem Syla: Janë shpifje se unë kam në pronësi hotel Grandin, Victoryn…

Autori:Avdyl Pajaziti

Ish-Komandanti i Përgjithshëm i UÇK’së, Azem Syla, ka folur për herë të parë në Kuvendin e Kosovës dhe ka demantuar pohimet se ai është pronar i shumë hoteleve luksoze dhe bizneseve në Kosovë.

“U garantoj të gjithëve se është shpifje se gjoja se kam hotele, kam grandin, victory, tenderët e KEK’ut. Çdo gjë që deklarohet është shpifje dhe bëj thirrje t’i merr ligji dhe e drejta”, ka thënë Syla, në fjalimin e parë të mbajtur në Kuvendin e Kosovës.

Pikërisht, për shkak se ka marrë fjalën për herë të parë në Kuvend, Kryesuesi Xhavit Haliti ia ka lënë fjalën më gjatë.

“I kam dhënë dhe i japë mbështetje Gjykatës, EULEX dhe t’i hetojë drejt çdo shqetësim”, ka thënë Syla.

Deputeti i PDK’së, Azem Syla, ka debatuar për temën e ngritur nga deputetja e LDK’së, Melihate Termkolli për dorëheqjen e Sylës.

“Para pak javësh zonja Melihate kërkon dorëheqjen time dhe të dy shokëve të partisë..”, ka thënë Syla.

Syla ka akuzuar Tërmkollin se ka qenë pjesë e rinisë Komuniste të Jugosllavisë.

Ai ka folur për veprimtarinë e tij prej viteve të 80’ta deri në fund të luftës.

“Në Shqipëri s’kam shkuar për t’u pasuruar”, ka thënë Syla, në Kuvendin e Kosovës.

Gjatë kohës sa e ka lexuar fjalimin, Syla ka pasur probleme me lexim. /GazetaExpress/.

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/azem-syla-jane-shpifje-se-une-kam-ne-pronesi-hotel-grandin-victoryn/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala