Eko 6 vite më parë

Avanset paushalle të Burim Berishës

Autori:Avdyl Pajaziti

Komuna e Fushë Kosovës që drejtohet  nga Burim Berisha nuk ka kursyer fare buxhetin kur ka qenë në pyetje dhënia avans e parave.

Kjo komunë sipas Auditorit të Përgjithshëm ka dhëne para avans për udhëtime zyrtare e festa të ndryshme . Maje Auditori ka treguar se drejtues të kësaj komune kanë udhëtuar jashtë vendit edhe pa pasur ftesa fare.

“Ne nuk ishim në gjendje të konfirmojmë arsyeshmërinë e këtyre shpenzimeve për shkak se mungonin kërkesat e udhëtimit zyrtar, ftesa/agjenda e udhëtimit dhe detajet tjera”, raporton Gazeta Fjala.

Sipas Auditorit mangësitë janë identifikuar në këto raste: Avansi për udhëtimin zyrtar për në Shqipëri në vlerë prej 5,000 eurove mungonte agjenda për udhëtim.

Avansi për pritjen e mysafirëve nga Turqia në vlerë prej 3,000 euro  për mbulimin e shpenzimeve gjatë qëndrimit në Kosovë mungonte ftesa për mikpritjen; Avansi për udhëtimin zyrtar në Shqipëri në vlerë prej 4,000€ mungonte agjenda për udhëtim.

Auditori në raportin e Komunë se Fushë Kosovës ka treguar se  ky institucion kishte lidhur memorandum mirëkuptimi me 01.12.2014 me restorantin Ana-Benz në vlerë 6,000 euro .

“Dreka zyrtare për manifestime të ndryshme për Ditën e Komunës, zgjedhjen e sportistit të vitit. Pagesat ishin bërë më 18.12.2014, kurse fatura mban datën e 16.01.2015. Në faturë figuron ushqim dhe pije për 400 persona”, thuhet në raportin e Auditorit. /Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/avanset-paushalle-te-burim-berishes/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala