Autopsia e të vrarëve po bëhet pa pritur dokumentet maqedonase

Autori:Avdyl Pajaziti

Departamenti i Mjekësisë Ligjore në Prishtinë po vazhdon punën në procesin e autopsisë për 9 të vrarët në Kumanovë.

Drejtori i Departamentit të Mjekësisë Ligjore, Arsim Gërxhaliu ka thënë se deri tani ka përfunduar autopsia për 7 të vrarët.

Procesi për dy të tjerët po vazhdon sot pa pritur ardhjen e dokumenteve për autopsinë e parë nga Maqedonia.

Me kërkesë të familjes, siç konfirmohet nga Departamenti i Mjekësisë Ligjore në Prishtinë, i pari që iu nënshtrua autopsisë ishte Beg Rizaj, raporton KTV.

Gërxhaliu ka thënë se pas përfundimit të autopsisë rezultatet do ti dorëzohen prokurorisë.

Ndërkohë, organizatat e dala nga Lufta e Ushtrisë Çlirimtare të Kosovës, kanë vendosur që Xhafer Zymberi, Mirsad Ndrecaj, Valon Kabashi, Turgaj Gashi, Samid Kastrioti, Hysen Rushiti, Fatlum Vishesella, Arben Rexhaj të prehen në varrezat e Dëshmorëve të Kombit në Prishtinë.

Sot pasdite do të bëhet varrimi i Beg Rizajt në kompleksin memorial të Gllogjanit.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/autopsia-e-te-vrareve-po-behet-pa-pritur-dokumentet-maqedonase/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala