Austostrada “Ibrahim Rugova” deri në pranverë mbetet pa drita

Autori:Avdyl Pajaziti

Territ tre vjeçar të autostradës “Ibrahim Rugova” duket se shumë shpejt do t’i vijë fundi. Premtimin për kthimin e dritave në rrugën e kombit, po e bënë vetë Ministria e Infrastrukturës.  Në këtë institucion kanë treguar se rivendosjen e kabllove të vjedhura, do ta bëjnë brenda disa muajve.  Kabllot në “Ibrahim Rugova” ishin vjedhur në vitin 2013 dhe vlera e tyre shkon në afro 1.5 milionë euro.

Kabllot e vjedhura tri vite më parë lanë një pjesë të autostradës “Ibrahim Rugova” pa ndriçim. Një pjesë e saj po vazhdon të jetë ende në terr. Qytetarët që e frenkuetojnë autostradën u ankuan për udhëtimin e vështirë, sidomos në kohën kur është e pranishme mjegulla,shkruan Gazeta Express.

Por si duket kësaj po i vije fundi. Kështu të paktën thonë në Ministrinë e Infrastrukturës. Mustafa Gara, Sekretar i Përgjithshëm i Ministrisë së Infrastrukturës në një përgjigje për Gazetën Express ka thënë se dëmet e vjedhura janë shumë të mëdha dhe pritet që në pranverë të fillojë intervenimi për ta kthyer ndriçimin. Sipas tij, Ministria ku ai punon nuk ka ende kontratë për ndriçimin e autostradës.

“Kemi kontrata te rrugët regjionale dhe nacionale, por nuk kemi për autostradën. Si pasojë e mjeteve financiare ne nuk kemi ende kontratë për rregullimin e ndriçimit”, ka thënë ai.

“Brenda këtyre muajve, në pranverë pritet që të intervenojmë për ndriçim”

Gara ka thënë se kjo Ministri do të gjejë një formë për mirëmbajtjen e autostradës, duke lënë mundësinë që ajo të bëhet brenda kontratës për mirëmbajtjen e rrugëve nacionale.

“Do të gjejmë formë ose me mirëmbajtje ose brenda kontratës së rrugëve nacionale, apo një rrugë të veçantë për autostradën”.

Në lidhje me këtë rast, Policia e Kosovës thotë se kanë arrestuar disa persona nga Kosova dhe se në mesin e të arrestuarve ka edhe shtetas të Shqipërisë .

“Disa raste janë raportuar për vjedhjen e kabllove dhe gjërave të tjera. Policia e Kosovës ka arrestuar persona të dyshuar, ka pas nga Kosova po ashtu edhe nga Shqipëria”, ka thënë Kelani.

Dëmet e vjedhjes së kabllove ndriçuese lanë një pjesë të autostradës “Ibrahim Rugova” në terr nga 2013’ta. Përveç kabllove, u vodhën edhe rrethojat.

Përfaqësues të MI atë kohë kishin thënë se rreth 1. 5 milionë euro është vlera e dëmit që qytetarët e Kosovës i kanë shkaktuar Ministrisë, duke vjedhur kabllot e ndriçimit, rrethojat dhe gjëra të tjera përskaj autostradës “Ibrahim Rugova”.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/austostrada-ibrahim-rugova-deri-ne-pranvere-mbetet-pa-drita/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala