Asnjë qytetar i Podujevës nuk i është bashkuar ISIS-it

Autori:Gazeta Fjala

Qendra Kosovare për Studime të Sigurisë ka organizuar sot në Podujevë tryezën më temën “Luftimi i ekstremizmit të dhunshëm në Kosovë – Involvimi i qytetarëve në parandalim të ekstremizmit të dhunshëm në Kosovë”.

Në këtë tryezë u tha se Podujeva është shembull i rezistencës ndaj këtij fenomeni si dhe sipas të dhënave zyrtare asnjë qytetarë i kësaj komune nuk i është bashkuar organizatës terroriste, ISIS.

Me këtë rast, Bekim Bislimi- komandant i policisë në Podujevë ka theksuar se mbajnë takime  të rregullta me komunitetin për këtë çështje.

” Ky problem duhet diskutuar më shume në shoqëri’ ka shtuar ai.

Nga ana tjetër, mulla Idriz Bilalli,  imam në këtë qytet ka thënë se ekstremizmi është një e keqe e cila sipas tij po fshihet nën ombrellën e islamit.

“Po na akuzojnë se po bëhet luftë kundër islamit. Por dua të qartesoj se këtu nuk ka luftë kundër islamit sepse ne kemi jetuar bashkë me këtë fe e në këto vende pa problem” ka deklaruar ai, njofton Klan Kosova.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/asnje-qytetar-i-podujeves-nuk-i-eshte-bashkuar-isis-it/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala