Asfaltohet Malisheva

Autori:Avdyl Pajaziti

Në kuadër të mirëmbajtjes së rrugëve në Komunën e Malishevës, të dielën ka filluar asfaltimi i rrugës “Rilindja Kombëtare”, e cila është kryesorja dhe më e ngarkuara me automjete.
“Rilindja Kombëtare” është njëra prej rrugëve më të rëndësishme në qytetin e Malishevës, pasi fillon nga qendra e qytetit dhe lidhë rrugën magjistrale Prishtinë-Rahovec, ndërsa gjatë kohës, një pjesë e madhe e saj ishte dëmtuar për shkak të ngarkesës. “Ne po bëjmë përpjekje që infrastruktura të rregullohet dhe të jetë në shërbim të qytetarëve. Dëmtimi i rrugës, përveç pengesës së madhe për vozitësit shkaktonte edhe tollovi në komunikacion dhe detyrë e jona është që të krijojmë kushte për lëvizjen e qytetarëve”, ka thënë kryetari i Komunë së Malishevës, Ragip Begaj.
Rregullimi i këtyre rrugëve, është në kuadër të investimeve të komunës, në mirëmbajtjen e rrugëve dhe rregullimi i kësaj rruge, ka një gjatësi prej pesëqind metrave dhe një gjerësi prej shtatë metrave. transmeton /epoka e re/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/asfaltohet-malisheva/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala