Arsimtari rrah gjysmën e klasës, një e alivanos

Autori:Avdyl Pajaziti

Vazhdon të jetë e pranishme dukuria e rrahjes së nxënësve nga arsimtarët. Një javë më parë, Drin Tahiri dhe disa shokë të klasës së tij janë rrahur nga arsimtari i tyre i Edukatës Qytetare në shkollë “Mirali Sejdiu”, në Gërmovë të Vitisë.

Ai ka thënë se nga goditjet e arsimtarit Bejtullah Musliu, i kishte plasur gjaku, kurse shoqja e tij e klasës, Rinesa, ishte alivanosur.

E ëma e tij nuk e ka fajësuar vetëm arsimtarin. Mirëpo, akuzat e nxënësve i ka mohuar arsimtari Musliu, raporton KTV.

Përveç që u kishte bërtitur me zë të lartë, mohon ta ketë prekur me dorë ndonjërin prej nxënësve, përcjell koha.net. I shokuar me ngjarjen, është edhe drejtori i kësaj shkolle, Musa Ramizi.

Ndërkaq, drejtori i arsimit në komunën e Vitisë, Qahil Sinani, i ka thënë KTV-së se ende nuk ka marrë ndonjë vendim rreth kësaj ngjarjeje.

Arsimtari Musliu është marrë në pyetje nga Policia, po ashtu në cilësi të dëshmitarëve, janë marrë në pyetje prindërit e fëmijëve të tjerë.

I dyshuari po ashtu është dëgjuar nga Prokurori i Shtetit dhe me vendim të tij ndaj të dyshuarit është caktuar masa e paraqitjes në polici, deri në kompletimin e rastit.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arsimtari-rrah-gjysmen-e-klases-nje-e-alivanos/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala