Arsimi i korruptuar i Kosovës

Autori:Gazeta Fjala

Sektori i arsimit në Kosovë po vazhdon të mbetet një zonë me rrezik të lartë të korrupsionit.

Përveç kësaj mungesa e cilësisë së arsimit është një nga kritikat që Komisioni Evropian i ka adresuar vendit në Raportin e Progresit për vitin 2015.

Kjo si rezultat i mosfunksionimi transparent të institucioneve të arsimit të lartë në Kosovë dhe shkak i procedurave të rekrutimit të stafit akademik universitar. Këto procedura janë të dobëta dhe të ndjeshme ndaj politizimit në të gjitha nivelet dhe sektorët e arsimit.

Në këtë raport mes të tjerash thuhet  që edhe pse Agjencia e Kosovës për Akreditimi është bërë anëtare në Rrjetin Evropian për Sigurimin e Cilësisë në Arsimin e Lartë, reputacioni i saj në mënyrë të konsiderueshme ka qenë i njollosur si brenda ashtu edhe jashtë Kosovës, pasi anëtarët kryesorë të menaxhmentit të lartë të saj ishin arrestuar me dyshimin për korrupsion.

Gjendja e arsimit në Kosovë vlerësohet të jetë e njëjta si vitin e kaluar, ku ka mungesë të ngritjës së cilësisë në arsim.

Po ashtu kapacitetit i universiteteve në Kosovë për të ndërmarrë punë kërkimore vijon të mbetet  tejet e kufizuar si rezultat i mungesë së buxhetit për hulumtime,e gjithë kjo po ndikon negativisht në cilësinë e programeve post-diplomike.

Në përgjithësi, progresi në fushën e arsimit thuhet se ka qenë i ngadalshëm dhe kërkohet që cilësia e arsimit të përmirësohet në masë të madhe. Kërkesë tjetër e Komisionit Evropian është që institucionet e arsimit të lartë të sigurojnë autonomi dhe të funksionojnë të pavarura. /Gazeta Fjala/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arsimi-i-korruptuar-i-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala