Lajme 5 vite më parë

Arrihet marrëveshje për Telekomin

Autori:Gazeta Fjala

Anëtari i delegacionit të Serbisë, Dragan Vladisavljevic, ka thënë se është arritur marrëveshja për telekomunikacionin, në raundin e dialogut që po zhvillohet sot në Bruksel, raporton B92.

Sipas tij, Austria do të aplikojë për kodin telefonik të Kosovës, ndërsa Serbia do të ketë kompaninë e saj që do të operojë në Kosovë.

Por, siç raportohet, ndonëse është arritur marrëveshja, ajo nuk do të nënshkruhet pa u arritur marrëveshjet edhe për pikat tjera – për të cilat po diskutohet në vazhdim.

Në rend janë Asociacioni, Energjetika dhe Lëvizja e Lirë.

Bisedimet, të cilat kanë hyrë në orën e gjashtë, paraprakisht kanë nisur me takimet e veçanta të Shefes së BE’së për Politikë të Jashtme, Federica Mogherini, me Kryeministrat Isa Mustafa dhe Aleksandar Vucic.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arrihet-marreveshje-per-telekomin/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala