Arrestohet shoqëruesi i Ballistit që pozoi me kallashnikov

Autori:Avdyl Pajaziti

​36 vjeçari me inicialet A. M. që pozoi me kallashnikov në një fotografi të publikuar në Facebook, ndërsa ndodhej së bashku me Ismail “Ballist” Morinën dhe një person tjetër, është arrestuar sot pasdite nga Policia e Kosovës në Mitrovicë. Lajmin për KALLXO.com e konfirmoi zëdhënësi i Policisë Rajonale të Mitrovicës Avni Zahiti.

I arrestuari A. M. në një fotografi ku shihet me Ismail “Ballist” Morinën dhe një person tjetër, pozoi me kallashnikov, ndërsa kjo fotografi pastaj u shpërnda në Facebook.

Ismail “Ballist” Morina pretendon se është pilotuesi i dronit me figurat e Ismajl Qemalit e Isa Boletinit dhe hartën e Shqipërisë Etnike që u lëshua në Stadiumin e “Partizanit” të Beogradit gjatë ndeshjes Serbi-Shqipëri më 14 tetor 2014.

Të arrestuarit policia ia konfiskoi një kallashnikov dhe dy karikatorë me fishekë.

Sipas zëdhënësit Zahiti, i arrestuari me inicialet A. M., pas intervistimit u lirua në procedurë të rregullt, ndërsa rasti i tij u iniciua si mbajtje nën kontroll, pronësi dhe posedim të paautorizuar të armëve.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arrestohet-shoqeruesi-i-ballistit-qe-pozoi-me-kallashnikov/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala