Lajme 5 vite më parë

Arrestohet në Shqipëri kosovari në kërkim ndërkombëtar për “pjesëmarrje në organizatë kriminale”

Autori:Gazeta Fjala

Shërbimet e Policisë Kufitare të Shqipërisë në pikën e kalimit kufitar të Morinës ka bërë të mundur arrestimin e një shtetasi të Kosovës, i cili ishte i shpallur në kërkim ndërkombëtar.

Sipas policisë, në pranga ka rënë shtetasi Ibrahim Rama 40 vjeç, i lindur dhe banues në Vushtrri.

Ai është ndaluar nga forcat e rendit për shkak se autoritetet policore të Belgjikës kanë lëshuar më 29 tetor një urdhër arresti ndërkombëtar ndaj tij, pasi akuzohet për “pjesëmarrje në organizatë kriminale” dhe “grabitje me armë”, raporton Shekulli.

Policia bën të ditur se shtetasi i Kosovës është dorëzuar në ambientet e Drejtorisë së Policisë së Qarkut Kukës, në pritje për t’u ekstraduar në Belgjikë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arrestohet-ne-shqiperi-kosovari-ne-kerkim-nderkombetar-per-pjesemarrje-ne-organizate-kriminale/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala