Arrestohet ish gjyqtarja Hoti, e dyshuar për korrupsion

Autori:Avdyl Pajaziti

Është arrestuar ish gjyqtarja e Gjykatës Komunale në Prishtinë, Naxharije Hoti. Ish gjyqtarja Hoti, dyshohet për korrupsion dhe falsifikim të dokumenteve me qëllim të tjetërsimit të pronave, duke përfituar materialisht.

Hoti sa kryente funksionin e gjyqtares në Gjykatën Komunale në Prishtinë, kishte trajtuar lëndë që kishin të bënin me çështje pronësore.

Ish gjyqtarja bën pjesë në rastin e grupit të ish kryetarit të Gjykatës Komunale të Prishtinës, Nuhi Uka. Ky i fundit ishte dënuar me dy vjet burg me kusht.

Ndërsa, nga hetimet e organeve përgjegjëse, ishte vlerësuar se vetëm gjyqtarja Hoti ka shpronësuar tokë të shtetit në vlerë prej rreth 100 milionë euro, transmeton lajmi.net.

Shtatëdhjetë e tre hektarë e 9590 metra tokë në dalje të Prishtinës mbajë firmën e shpronësimit të paligjshëm të saj.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arrestohet-ish-gjyqtarja-hoti-e-dyshuar-per-korrupsion/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala