Lajme 6 vite më parë

Arrestohet Drejtori i Spitalit të Gjilanit

Autori:Avdyl Pajaziti

Pikërisht ditën që ka dhënë dorëheqje, Drejtori i Spitalit të Gjilanit Abdylatif Latifi, është arrestuar nga Policia e Kosovës, raporton Zëri.

Kjo është konfirmuar nga burime të gazetës “Zëri” në Spitalin e Gjilanit, sipas të cilave burime, Latifi është arrestuar për shkak se kishte lejuar në kundërshtim me ligjin të asgjësoheshin ilaçe të skaduara të këtij spitali.

Ndërkohë zëdhënësi i Policisë në rajonin e Gjilanit, Ismet Hashani as nuk ka pohuar e as mohuar arrestimin.

“Ky informacion është në verifikim e sipër”, ka thënë Hashani.

Por, burime në Policinë e Gjilanit, kanë thënë se të arrestuar janë A. Latifi, drejtor i dorëhequr në Spitalin e Gjilanit, E. Rexha, shef i barnatores qendrore në Spitalin e Gjilanit, Q.Azemi, shef i shërbimit teknik në këtë spital, I. Isaku, punëtor në impiantin për asgjësimin e mbetjeve farmaceutike.

Sipas këtyre burimeve, ky grup i dyshuar për keqpërdorim detyre, kanë bërë asgjësim ilaçesh në kundërshtim me ligjin. “Ata kanë asgjësu jashtë procedurave.”, ka thënë burimi i gazetës në Polici.

Curr Gjocaj, drejtor i Shërbimit Klinik Universitar të Kosovës ka thënë se nuk ka informacione për arrestimin e drejtorit që sapo ishte dorëhequr. /ZËRI/

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arrestohet-drejtori-i-spitalit-te-gjilanit/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala