Lajme 6 vite më parë

Arrestohet 18-vjeçari, i dyshuar për vjedhjen e 30 mijë eurove

Autori:Gazeta Fjala

Pas disa hetimeve të zhvilluara, policia e sektorit rajonal të hetimeve në Ferizaj, ka arrestuar 18-vjeçarin D.M. si të dyshuar në lidhje me rastin e veprës “vjedhje e rëndë”, të ndodhur më 9 tetor në fshatin Manastirc.

I dyshuari D.M. kishte hyrë në një shtëpi dhe nga aty kishte arritur të merrte kasafortën e metaltë në të cilën kishte pasur 24.300 euro para dhe stoli ari në vlerë pre 6 mijë eurosh.

“Pas intervistimit, i dyshuari e ka pranuar në tërësi veprën e kryer, si dhe janë gjetur dhe kthyer pronarit sasia e stolive të arit, si dhe shuma e parave të vjedhura, nga të cilat kanë munguar 3.600 euro”, ka thënë togeri i policisë Agim Gashi.

Me urdhër të prokurorit, ndaj të dyshuarit është shqiptuar masa e ndalimit policor prej 24 orëve dhe ai është dërguar në Qendrën e Ndalimit në Ferizaj.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/arrestohet-18-vjecari-i-dyshuar-per-vjedhjen-e-30-mije-eurove/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala