Anulohet koncerti shqiptaro-serb për ndeshjen Shqipëri-Serbi

Autori:Gazeta Fjala

Koncerti që do të prezantohej sot në parkun e Kryeministrisë së Shqipërisë, është anuluar. Këtë e konfirmoi për “Shekullin” këngëtarja Marsela Çibukaj.

Ajo u shpreh se: “Koncerti nuk do jetë më sot. Është anuluar dhe nuk e di se çfarë e ka penguar teknikisht, besoj se ka pasur mosmarrëveshje mes të dy palëve, meqenëse ishin dhe këngëtarët serbë”.

Ky koncert kishte për qëllim që të bashkonte emra të muzikës shqiptare dhe asaj serbe, një ditë para ndeshjes Shqipëri- Serbi.

Një mesazh qytetarie do të vinte nëpërmjet këngëtarëve serbë Marko Nikoliq, Ljubomir Sobotoviq, Milan Sijak, Filip Pat, Aleksandra Josiq, Amir Karaliq dhe këngëtarëve shqiptarë Kamela Islamaj, Marsela Çibukaj dhe Eugent Bushpepa me grupin e tij.

Nga Kosova ishin ftuar këngëtarja Flaka Krelani dhe grupi “Na”.

Kënga “Imagine” e John Lenon ishte zgjedhur për t’u interpretuar nga të gjithë këngëtarët së bashku, por ky koncert u la për një rast tjetër. Nga Kosova u konfirmua se anulimi ka ardhur pas shumë kritikave dhe reagimeve të shqiptarëve që u konsiderua si provokim të mbahet një koncert i tillë në mes të Tiranës pas gjithë atyre sulmeve që i bënë kombëtares shqiptare në ndeshjen Serbi – Shqipëri në stadiumin e Beogradit./koha.net

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/anulohet-koncerti-shqiptaro-serb-per-ndeshjen-shqiperi-serbi/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala