Angela Merkel kundër martesave të homoseksualëve (Video)

Autori:Avdyl Pajaziti

Në intervistën e saj të parë përmes Youtube, Kancelarja gjermane Angela Merkel ka thënë se nuk beson se homoseksualët duhet të kenë të drejtën e martesës.

“Për mua, personalisht, martesa është bashkëjetesa midis një buri e një gruaje”, i tha ajo udhëheqësit të intervistës, Florian Mundt, i njohur si LeFloid, transmeton Indeksonline.

“Unë jam për një partneritet civil, dhe për mos-diskriminim në politikat tatimore. Dhe kurdo që hasim në diskriminim ne do ta çmontojmë atë duke e luftuar ashpër”, ka thënë më tej Merkel.

Sipas një anketimi të kryer në vitin 2013, përafërsisht tre të katërtat e gjermanëve mbështesin martesat e homoseksualëve, raporton Reuters.

Gjermania ka filluar të njoh të drejtën e bashkimit civil të homoseksualëve që nga viti 2001. Megjithatë, ata nuk njihen sikur të jenë të martuar, dhe nuk lejohen të adoptojnë fëmijë.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/angela-merkel-kunder-martesave-te-homoseksualeve-video/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala