Misteri i shpërthimit në “Kosova A”

Autori:Avdyl Pajaziti

Janë bërë gati një vit kur një shpërthim i fuqishëm në termocentralin “Kosova A” në Obiliq i mori  jetën 2 punonjësve dhe plagosi të paktën 14 të tjerë.

Por, nga atëherë e deri më tani nuk dihet asgjë për shkaqet e këtij shpërthimi. Nuk ka të dhëna të sakta as për dëmet e shkaktuara. Ndërkaq, vendi i ngjarjes vazhdon të mbetet i bllokuar. Shiritat që ndalojnë hyrjen në të tregojnë se edhe hetimet ende nuk kanë përfunduar aty.

“Zona e avarisë aksidentale është nen kontrolle te organeve relevante shtetërore te hetuesisë, te cilat janë ende duke zhvilluar hetimet rreth aksidentit”, thotë Edmond Nulleshi, Drejtor i  shërbimit në KEK.

Ne lidhje me këtë, ai tregon se  KEK ka ofruar ka ofruar përkrahjen e plotë, nga aspekti profesional, ekspertizës, logjistikes dhe ofrimit te dokumentacionit përkatës teknik që procesi i hetimit të jetë sa më gjithëpërfshirës dhe shkaqet e plota te aksidentit të gjinden sa më parë që të jetë e mundur.

Por, asgjë nuk është zbuluar deri më tani. As për elektrolizën që dyshohej se ishte shkatari i shpërthimit nuk është nxjerrë ndonjë përfundim.

Nulleshi ka treguar se krejt çka është bërë në këtë drejtim është se palët e dëmtuara kanë marr disa kompnezime.  Siç ka thënë ai edhe familjarët e viktimave janë duke marr beninicione dhe sigurime shëndetësore.

“KEK ka kompensuar në tërësi pronën e të gjithë të dëmtuarve të evidentuar që kishin dëshmi pronësore. Për sa i përket, familjarëve të dy punëtorëve që kishin humbur jetën në këtë aksident, edhe pse të vetëdijshëm se humbja e më të dashurve nuk mund të kompensohet asnjëherë në tërësi, KEK-u është duke vazhduar zotimin se do tu qëndrojë pranë tyre në çdo formë te mundshme”, ka thënë ai.

Si pasojë e aksidentit në fjalë, në KEK kanë thënë se nga atëherë ka pasuri  prodhim më mangët dhe ka realizuar te hyra me te vogla se ato qe ishin planifikuar.

Nëpër mediat e Kosovës janë ngritur dyshime se shpërthimi në Termocentral ka ardhur nga një problem i shkaktuar në pjesën e prodhimit të hidrogjenit, i cili shërben për ftohjen e gjeneratorit

Termocentrali “Kosova A” ndodhet në qytezën e Obiliqit, 10 kilometra në perëndim të Prishtinës. Ky termocentral është ndër të parët e ndërtuar në Kosovë, në periudhën e ish-Jugosllavisë. Ai u vu në funksion në vitin 1969 dhe prodhon energji nga qymyrguri.

Termocentrali “Kosova A” është thënë se do të mbyllet në vitin 2017. Por së fundi, mbyllja e tij u shty deri në vitin 2025, për shkak se ky termocentral furnizon me energji 1/3 e tregut vendas.

Autoritetet kosovare kanë vlerësuar se teknologjia e vjetërsuar dhe kostot e larta e bëjnë më të vlefshme mbylljen, sesa mbajtjen e tij ende në funksionim./Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/analiza/misteri-i-shperthimit-ne-kosova-a/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala