Mbi 38 mijë vizitorë në hotelet e Kosovës

Autori:Avdyl Pajaziti

Kosovarët nuk po i tërheq më reklama 5 euro pushimi e dhjetë euro fjetja e moteleve të shumta përskaj rrugëve. Ata e kanë rritur standardin e akomodimit bazuar në statistikat e tremujorit të dytë të këtij viti.

Sidomos ato në regjionin e Prishtinës, Pejës e Prizrenit kanë pritur e përcjellë mbi 38 mijë vizitorë.

Kështu thuhet në rezultatet e 105 hotelet e vendit, të cilët kanë qenë pjesë e anketës së Agjencisë së Statistikave të Kosovës.

Prej tyre mbi 57 për qind kanë qenë të huaj, derisa pjesa tjetër vizitorë vendorë.

“Në TM 2 2015 numri i vizitorëve është 38 560 vizitor, 42.32 % janë vizitor vendor, dhe 57.68 % janë vizitor të jashtëm kurse numri i bujtjeve në TM 2 2015 është 53 486 bujtje, 38.44 % e bujtjeve janë nga vendorët dhe 61.56 % janë të huaj”.

1,kapaciteti

Siç ka treguar ASK-ja në territorin e Kosovës hotelet te janë të shtrira më së shumti në regjionin e Prishtinës, Ferizajt dhe Pejës.

Por ato ende mbesin larg shfrytëzimit të plotë të kapaciteteve që kanë, pasi statistikat tregojnë se kapaciteti i shfrytëzimit të tyre në nivel vendi është  15.70 për qind.

“…në TM 2 2015, numrin më të madh të vizitorëve dhe netëqëndrimet e tyre e ka regjioni i Prishtinës me 25 650 vizitor dhe 36 215 netëqëndrime”.

2 kapacitete

Megjithatë, nga viti në vit vërehet rritje e numrit të vizitorëve nëpër hotelet kosovare.

Agjencia e Statistikave ka bëre të ditur po ashtu se në vitin 2014 numri i vizitorëve vendor është rritur për 2.42% në raport me vitin 2013.

3 numri

“Netëqëndrimet e vizitorëve vendor janë rritur për 0.74%. Kemi rritje te vizitorët e jashtëm për 22.44%, kurse netëqëndrimet e vizitorëve të jashtëm janë rritur për 21.68 % ne raport me vitin 2013”.

Kurse sa i prekët numrit të vizitorëve dhe netëqëndrimet nga viti 2008 e deri në 2014  prinë regjioni i Prishtinës me gjithsej 77 167 vizitorë, Peja radhitet e dyta me 11 534 vizitorë, Prizreni radhitet i treti me 8 615 vizitorë./Gazeta Fjala/.

4 neteee

 

 

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/analiza/mbi-38-mije-vizitore-ne-hotelet-e-kosoves/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala