Heshtin pacientët e maltretuar nga stafi mjekësor

Autori:Gazeta Fjala

“Çka po ec si e killavt” i pati thënë infermierja Sabile Krasniqit, gruas që e lindi fëmijën në korridorin e Gjinekologjisë së QKUK-së në mbrëmjen e 4 marsit të vitit të kaluar.

Ky rast në atë kohë u cilësua si i rëndë dhe ofendues.  Mirëpo, nuk është i vetmi kur janë ofenduar pacientët në Qendrën Klinike Universitare të Kosovës.

Sharjet, ofentimet, e britmat e stafit mjekësor ndaj pacientëve janë thuajse të përditshme në repartet e qendrave spitalore.

Para dy javësh edhe Mevludja, një nënë e re nga Prishtina, tregon se u detyrua të ndaj shtratin me një lehonë tjetër në klinikën e Gjinekologjisë në kryeqytet.

Ajo qëndroi kështu për dy net edhe pse ishte me dhimbje të lindjes dhe nuk u mor parasyshë nga personeli mjekësor.

Për trajtimin jo të mirë, Mevludja nuk u ankua në organet kompetente nga frika se mjekët do ti hakmerreshin në ndonjë rast.

Gazeta Fjala mëson se në shumicën e rasteve pacientët edhe pse ofendohen gjatë marrjes së trajtimit ata nuk din se ku të adresohen. Në Kosovë ekziston zyra për ankesa të pacientëve.

Besim Kodra, drejtor ekzekutiv i Shoqatës së të Drejtave të Pacientëve, ka thënë për Gazetën Fjala se që nga maji i vitit 2015 kanë qenë rreth 140 ankesa nga pacientët e QKUK-së dhe të Spitalit të Prizrenit.

“Ankesat më të shpeshta kanë qenë për mosrespektim të vendit të punës, kumunikim jo të mirë të mjekëve, lista të gjata të pritjes dhe mosrespektim i tyre, referim në institucione private dhe korrupsion”, shpejgon Kodra.

Ai ka treguar se institucionet  shëndetësore në Kosovë, veqanërisht Ministria e Shëndetësisë nuk ka bërë sa duhet për promovimin e të drejtave të pacientëve.

“Si pasojë e kësaj nuk kemi edhe numër të madh të ankesave se pse ata nuk e dinë se çka kanë të drejtë e çka jo”, ka thënë Kodra.

Ankesa edhe në Minstrinë e Shendëtëtsisë

Një numër i qytetarëve të cilëve u kërkohen para për shërbime spitalore, apo që referohen për në klinika private nga mjekët e QKUK-së, i kanë adrsuar këto qështje edhe në Ministrinë e Shëndetësisë.

Janë më shumë se 103 pacientë që gjattë vitit 2015 qoftë përmes linjës telefonike falas për qytetarë, apo edhe rrjetit social, dhe faqës zyrtare të MSH-së në të gjithë Kosovën janë ankuar për sjelljen e mjekëve.

“Gjatë vitit 2015 janë pranuar  13 ankesa për QKUK-në, 25 për spitalet e përgjithshme, 53 ankesa për QKMF-të në komuna të ndryshme (mjekësia familjare), 3 për institucione private shëndetësore,  3 për farmaci të ndryshme dhe 6 të tjera”, ka thënë drejtori i departamentit për informim në MSH, Faik Hoti.

Ai shpjegon se shumica e ankesave janë për mungesën  e mjekut në vendin e punës, sjelljeve jo të mira të personelit, komunikim jo-adekuat, vonesa në punë, mungesë të barnave, shitje ilaçesh pa banderolë dhe mos-lëshim të kuponit fiskal, etj.

Në kutitë e QKUK’së afro 70 ankesa

Qytetarë të pakt shprehin ankesat e tyre edhe në kutitë e vendosura për këtë punë në hapësirat e Qendrës Klinike Universitare të Kosovës.

Mirlinda Qyqalla, nga zyra për Informim në QKUK, ka bërë të ditur për Gazetën Fjala se që nga marsi i vitit të kaluar deri në janar të ëktij vitit në QKUK janë bërë rreth 68 ankesa ndaj personelit mjeksor (mjek, infermierë).

“Menaxhmenti i Shërbimit Spitalor Klinik Universitar të Kosovës , në mars të vitit 2015 ka formuar një komision i cili do të merret me shqyrtimin e të gjitha ankesave të pacientëve që kanë të bëjnë me mënyrën e trajtimit dhe mjekimit të tyre. Varësisht nga natyra e ankesës ka pas raste kur disa lëndë janë proceduar edhe në komisionet përkatëse që janë në kuadër të SHSKUK-së, si; Komisioni Disiplinor, Komisioni Etik Profesional”, ka shpjeguar ajo.

Sidoqoftë, sipas hulumtimeve të bëra lidhur me atë se sa kanë njohuri pacientët për të drejtat e tyre, del se më shumë se 55 për qind e qytetarëve, nuk i dinë të drejtat që i kanë./Gazeta Fjala/.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/analiza/heshtin-pacientet-e-maltretuar-nga-mjeket/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala