Lajme 5 vite më parë

Albulena Haxhiu reagon nga arratia

Autori:Avdyl Pajaziti

Deputetja a Lëvizjes Vetëvendosje, Albulena Haxhiu, që është duke u kërkuar nga Policia e Kosovës ka reaguar për situatën e re në Kuvend duke thënë se “qytetarët janë duke përjetuar dhunë të një regjimi që është kthyer kundër Kosovës”.

“Këto ditë dhe këto orë qytetarët po përjetojnë dhunën e shfrenuar të një regjimi që tashmë jo vetëm i ka braktisur ata dhe interesat e Republikës por është kthyer kundër. Kokëfortësia në dukje dhe brutaliteti i regjimit diktatorial në fakt është panik nga theqafja e pashmangshme e tyre”, ka shkruar Haxhiu në rrjetin social Facebook.

Haxhiu është duke u kërkuar nga Policia pas gjuajtjes së gazit lotsjellës në seancat e kaluara të Kuvendit. Një akt të tillë sot e kanë bërë edhe deputetët tjerë opozitarë, Ismajl Kurteshi i VV-së e Haxhi Shala i Nismës.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/albulena-haxhiu-reagon-nga-arratia/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala