AKP largon uzurpatorët

Autori:Zekirja Shabani

Agjencia Kosovare e Privatizimit  ka liruar nga përdorimet e jashtëligjshme 175 asete të ndërmarrjeve shoqërore. Këtë fakt e ka bërë publike vetë AKP-ja në një njoftim për media.

“Agjencia, duke marrë në konsideratë pengesat e njëpasnjëshme që kanë paraqitur uzurpatorët para dhe gjatë procesit të shitjes, nxori vendimin për lirimin e aseteve nga shfrytëzuesit e jolegal, në mënyrë që të gjitha asetet që do të publikohen për shitje, paraprakisht të lirohen nga uzurpatorët me ndihmën e policisë së Kosovës sipas nenit 26 të ligjit të AKP-së dhe se asnjë kontratë nuk do të përfundohet/dorëzohet te blerësi pa u liruar aseti nga uzurpatorët”, thuhët në njoftim e AKP-së.

AKP i ka njoftuar të gjithë investitorët se të gjitha asetet që do të tenderohen në të ardhmen për privatizim apo shitje përmes likuidimit do të jenë të lira nga çdo shfrytëzues i paligjshëm, ndërsa nënshkrimi i kontratave me blerësit dhe dorëzimi i kontratave te blerësit do të bëhet vetëm pasi asetet të jenë të liruara paraprakisht nga shfrytëzuesit e jashtëligjshëm.

Vërejtje:

Ju keni të drejtë ta riprodhoni tekstin tonë, por me kusht që ta citoni burimin e Gazeta Fjala dhe kur ta publikoni shkrimin, ta integroni linkun e artikullit siç vijon: https://gazetafjala.com/akp-largon-uzurpatoret/

Në të kundërtën, ne do të raportojmë tek organet kompetente si dhe pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin.

Redaksia e Gazetës Fjala